«АДАЛ АЗАМАТ – БЕЛСЕНДІ ҚОҒАМ» азаматтық қоғамды дамыту орталығының өңірлік кеңсесі

Жамбыл облысындағы «Адал азамат — белсенді қоғам» азаматтық қоғамды дамыту орталығы үкіметтік емес секторға жүйелі қолдау көрсетіп, өңір тұрғындарының әлеуметтік бастамаларын қолдауды қамтамасыз етеді. Орталықтың қызметі қоғамдық ұйымдардың институционалдық тұрақтылығын арттыруға, олардың құқықтық негізін нығайтуға және азаматтық қоғам мен мемлекеттік органдар арасындағы сындарлы өзара іс-қимыл мәдениетін қалыптастыруға бағытталған.

Бірыңғай коммуникациялық алаң ретінде орталық Ашық есік күндерін ұйымдастырады. Бұл іс-шаралар қоғам өкілдері, ҮЕҰ көшбасшылары мен жергілікті атқарушы органдардың қызметкерлері арасында тікелей диалог орнатуға мүмкіндік береді.