«Ауылдық жерлерде азаматтық бастамаларды дамыту» жобасы аясында біз шағын гранттардың нәтижелері туралы баяндауды жалғастырамыз.

«Ерекшем» оңалту орталығында ерекше қажеттіліктері бар балаларды қолдауға және оңалтуға бағытталған жоба жүзеге асырылды. Қыркүйек–қараша айлары аралығында мамандар 30 балаға бастапқы диагностика жүргізіп, олардың когнитивтік дамуын, сөйлеу және тілдік дағдыларын, моторикасын, сондай-ақ әлеуметтік бейімделуі мен эмоционалдық жағдайын бағалады. Диагностика нәтижелері бойынша әр балаға жеке даму жоспары әзірленді.

Оңалту жұмыстарының тиімділігін арттыру мақсатында орталыққа жүру қозғалысын имитациялайтын арнайы механикалық тренажёр сатып алынып, орнатылды. Құралды қауіпсіз пайдалану үшін мамандарға нұсқаулық өткізілді.

Жаңа жабдықтың көмегімен 30 балаға физиотерапевт, ЕДШ нұсқаушысы және бейінді мамандардың қатысуымен жеке және топтық сабақтар ұйымдастырылды. Нәтижесінде көптеген балаларда оң өзгерістер байқалды: бұлшықет тонусы, қозғалыс үйлесімі мен тепе-теңдік жақсарды, балалардың сенімділігі мен ынтасы артты.

Сонымен қатар ата-аналарға балаларды күту және үй жағдайында оңалтуды жалғастыру бойынша практикалық кеңестер берілді. Жобаны жүзеге асыру балалардың қозғалыс және бейімделу дағдыларын жақсартуға, сондай-ақ мамандар мен ата-аналар арасындағы өзара байланысты нығайтуға мүмкіндік берді.