Астана Study Tour – маңызды кездесу!

Study Tour бағдарламасының маңызды бөлігі – Қазақстан Республикасы Мәдениет және ақпарат министрлігінің өкілдерімен кездесу болды. Кездесу «Қоғамдық даму институты» КеАҚ ғимаратында өтті, министрліктің азаматтық қоғамды қолдау, нормативтік-құқықтық актілерді әзірлеу және мемлекеттік ақпараттық саясат саласындағы жұмысы таныстырылды.

Кездесуге Азаматтық қоғам істері комитеті төрайымының орынбасары Елдар Қайсарұлы Сапаров қатысты. Маңғыстаулық делегацияға келесі бағыттар бойынша жан-жақты түсіндіру жұмыстары жүргізілді:

• Гранттық қаржыландыру жүйесі: жаңа талаптар, басым бағыттар, ҮЕҰ үшін қолжетімді мүмкіндіктер;

• «Қоғамдық кеңестер туралы» заң: құзырет, өкілеттіктер, есептілік және мемлекеттік органдармен ынтымақтастық тетіктері;

• «Қайырымдылық туралы» заң: корпоративтік және жеке қайырымдылықты ынталандыру, әлеуметтік бағдарламаларды қолдау;

• Мемлекеттік әлеуметтік тапсырыс: конкурс өткізу тәртібі, мониторинг, есептілік және тиімділікті бағалау;

• Қоғамдық кеңестердің өңірлік даму үдерісіндегі рөлі: құқықтар мен міндеттері, азаматтармен кері байланыс орнату тәсілдері.

Бұл кездесу делегация мүшелеріне азаматтық қоғамның жұмысын, мемлекеттік қолдау механизмдерін және қоғамдық кеңестердің рөлін тереңірек түсінуге мүмкіндік берді.

«Көшбасшылар керуені» жобасы – білім, тәжірибе және байланыс платформасы!