Ауыл жастарының урбанистикалық бастамаларының көрмесі өтті!

Маңғыстау облысының жастар саясаты мәселелері жөніндегі басқармасының «Jastar Urban: Ауылдан басталады» жобасы өз мәресіне жетіп, ауыл жастары жүзеге асырған урбанистикалық бастамалардың қорытынды көрмесі өтті. Жоба Маңғыстау облысының Азаматтық альянсы ұйымдастыруымен жүзеге асырылды.

Гранттық байқау нәтижелері:
7 000 000 теңгелік сыйақы қоры бар байқауға облыстың барлық аудандарынан 42 өтінім қабылданып, оның ішінен 7 үздік жоба грант иегері атанды. Әр жеңімпаз өз идеясын жүзеге асыру үшін 1 000 000 теңгеге дейін грант алды.

Оқыту және менторлық бағдарламасы:
Грант иегерлері екі күндік оқу және менторлық бағдарламадан өтіп, жобалық менеджмент, қаржылық жоспарлау, урбанистика және азаматтық белсенділік бойынша құнды тәжірибе алды. Оқытуға Urban Forum Kazakhstan сарапшылары қатысты.

Көрменің мақсаты:
Ауыл жастары іске асырған шағын урбанистикалық жобалардың нәтижелерін таныстыру, тәжірибе алмасу және жастардың ауылдық аймақтарды дамытудағы рөлін күшейту.

Қатысушылар:
Көрмеге 50-ден астам адам қатысты: грант иегерлері, әкімдік өкілдері, жастар ұйымдары, волонтерлер, сарапшылар, БАҚ және менторлар.

Жобалардың таныстырылымы:
Жастар дайындалған стендтер арқылы өз жобаларын таныстырып, атқарылған жұмыс, кездескен қиындықтар және оларды еңсеру жолдары туралы бөлісті.

Көрмеде ұсынылған жобалар:

• «Open Air Jastar» – Балтабай Еркебұлан (Басқұдық)

• «Скейтпарк» – Дощаев Алмаз (Құрық)

• «Эко-бұрыш EcoCorner Tenge» – Қаржаубайұлы Сәбит (Теңге)

• «Эко-Art демалыс және креативті аула» – Жиенбаев Жандарбек (Бейнеу)

• «Боранқұл ауылына аялдама» – Қусайынов Қуаныш (Боранқұл)

• «Далаға арналған шахмат үстелі» – Барлыбаева Нұргүл (Маңғыстау)

• «Демалыс аймағы» – Габбас Бекарыс (Ақшұқыр)

Қорытынды:
Іс-шара соңында үздік жобалар мен белсенді қатысушылар алғыс хаттармен марапатталды.