Қазақстанның Азаматтық Альянсы Горчаков қорымен бірлесіп коммерциялық емес сектор өкілдеріне арналған білім беру интенсивін өткізді.

ҮЕҰ курстары халықаралық жобалармен жұмыс істейтін, сондай-ақ жаңа деңгейге шығуды жоспарлап отырған қатысушыларды біріктірген бір күндік тәжірибелік алаңға айналды. Интенсив барысында қатысушылар гранттық өтінімдерді дайындау, бюджеттеу және қаржылық жоспарлау, жобалық құжаттаманы рәсімдеу бойынша практикалық білім алып, нақты кейстерді талқылап, өзекті сұрақтарына жауап алды.

Іс-шара қазақстандық ҮЕҰ жетекшілері мен менеджерлеріне кәсіби құзыреттерін арттыруға мүмкіндік беріп қана қоймай, тәжірибе алмасуға, сектордағы өзекті мәселелерді талқылауға және халықаралық бастамаларды дамытуға жаңа бағыттар айқындауға ықпал етті.