4 ақпанда Қарағанды облысының Азаматтық альянсы кеңсесінде Қазақстандағы Адам құқықтары және заңдылықты сақтау жөніндегі халықаралық бюроның Қарағанды филиалының директоры Юрий Анатольевич Гусаковпен кездесу өтті.

Талқылауға азаматтық сектор өкілдері, Қарағанды облысының Азаматтық альянсы мүшелері, сондай-ақ жастар өкілдері — «Healthy Life» қозғалысының волонтерлері мен ҚОАА жастар қанатының белсенділері қатысты.

Іс-шара барысында Қазақстан Республикасы жаңа Конституциясы жобасының негізгі жаңалықтары қарастырылды. Пікірталас мазмұнды әрі талдамалық сипатта өтіп, адам құқықтары мен бостандықтарын қамтамасыз ету, сондай-ақ мемлекеттік және қоғамдық қауіпсіздік мәселелерін қамтыды.

Қатысушылар үшін қолданыстағы Негізгі заң мен Конституциялық реформа жөніндегі комиссия әзірлеген жоба ережелеріне халықаралық құқық қолдану тәжірибесін ескере отырып жасалған терең әрі жүйелі талдау ерекше құндылыққа ие болды.

Кездесу қатысушыларының құқықтық мәдениетін арттыруға қосқан кәсіби сараптамасы, ашық диалогы үшін Юрий Анатольевич Гусаковқа шынайы алғысымызды білдіреміз.