Қазақ
Түркістан облысы
Созақ ауданында ҮЕҰ-ға арналған семинар-тренинг өтті
Бүгін, 2 сәуір күні Созақ ауданында Түркістан облысының Қоғамдық даму басқармасының мемлекеттік әлеуметтік тапсырысы аясында маңызды іс-шара өтті.
Аталған семинар-тренинг Түркістан облысының Азаматтық Альянсының ұйымдастыруымен «Азаматтық қоғамды дамыту, үкіметтік емес ұйымдардың (ҮЕҰ) ұйымдастырушылық әлеуетін нығайту, білім базасын кеңейту және олардың кәсіби біліктілігін арттыру» 2026 жылға арналған жоба аясында өткізілді.
Семинар тақырыбы:
«ҮЕҰ үшін грант жазу негіздері: идеядан табысты өтінімге дейін»
Іс-шара спикері — Әбдінәбиева Ақмарал Қалмаханқызы.
Ол қатысушыларға әлеуметтік жобаларға өтінім жазудың қыр-сырын түсіндіріп, өтінім беру барысында ескерілуі тиіс негізгі талаптар мен маңызды тұстарға тоқталды.
Сонымен қатар, алдағы уақытта шағын гранттарға конкурс жарияланатыны туралы ақпарат берілді.
Бұл семинар ҮЕҰ өкілдерінің кәсіби біліктілігін арттырып, жаңа жобаларды сапалы әзірлеуге үлкен мүмкіндік берді.