Қазақ
Батыс Қазақстан облысы
Батыс Қазақстан облысының Азаматтық Альянсы әлеуметтік мәселелерді шешуге және азаматтық қоғам институттарын дамытуға бағытталған белсенді ҮЕҰ бастамаларын жүйелі түрде қолдайды.
Бүгін М. Өтемісов атындағы Батыс Қазақстан университеті мен «Интеграл» қоғамдық бірлестігі «Күміс университет» жобасы аясында Орал қаласының Белсенді ұзақ өмір сүру орталығымен ынтымақтастық туралы меморандумға қол қойды.
Жоба зейнет жасындағы азаматтарға жаңа білім алып, дағдыларын дамытуға және өңірдің қоғамдық өміріне белсенді қатысуға мүмкіндік береді. Курсты сәтті аяқтаған тыңдаушыларға сертификаттар табысталды.
Бұл бастама өмір бойы білім алуды дамытуға, аға буынның әлеуметтік белсенділігін арттыруға және белсенді ұзақ өмір сүрудің оң үлгісін қалыптастыруға ықпал етеді.
«Интеграл» қоғамдық бірлестігіне алдағы жоспарларын табысты жүзеге асырып, қоғам игілігі жолында жаңа жетістіктерге жетуіне тілектеспіз!