8 мамыр күні Достық үйі ғимаратында ерекше білім беру қажеттіліктері бар талантты балалар мен жасөспірімдерді, сондай-ақ қиын өмірлік жағдайдағы балаларды қолдау орталықтары мен интернат ұйымдарының тәрбиеленушілерін біріктіретін XVII облыстық «Алые паруса» өнер марафонының (фестивалінің) гала-концерті өтті. Биылғы іс-шара Қазақстан Республикасының Тәуелсіздігінің 35 жылдығына арналды.

Биыл марафонға Қарағанды облысындағы 30 ұйымнан 400-ге жуық бала мен жасөспірім қатысты. Байқауға 300-ден астам шығармашылық нөмірлер мен көркем жұмыстар ұсынылды:

1. вокал
2. хореография
3. аспаптық жанр
4. театр өнері
5. көркемсөз жанры
6. сәндік-қолданбалы және бейнелеу өнері
7. медиа-өнер
8. ерекше жанр

Фестиваль қорытындысы бойынша 49 шығармашылық жұмыс жүлделі орындарға ие болды, оның ішінде Гран-при иегерлері де бар.

Гала-концерт шығармашылықтың, мейірімділік пен шабыттың жарқын мерекесіне айналды. Бір сахнада талант, шынайы эмоциялар және балалардың өзін-өзі дамытуға деген ұмтылысы тоғысты

Балаларды қолдап, олардың қабілеттерін дамытуға үлес қосып жүрген ұйымдастырушыларға, серіктестерге, демеушілерге, педагогтерге және барша жанашыр азаматтарға ерекше алғыс білдіреміз.

Жоба ұйымдастырушысы — Валентин Людвигович Бучин, «Алга-Спартак» БЖСК директоры, білім беру саласының ардагері.

Бірлескен ұйымдастырушылар:

• Қарағанды облысының білім басқармасы
• Қарағанды облысындағы Бала құқықтары жөніндегі уәкіл
• Қазақстан азаматтары
• Қарағанды облысының Азаматтық Альянсы қауымдастығы
• Қоғамдық келісім
• Clever отбасылық даму орталығы

«Алые паруса» — бұл жай ғана фестиваль емес.
Бұл — әр балаға мүмкіндік, қолдау және сенім сыйлайтын орта.