«Жаңа Конституция: Бірлігіміздің тірегі» атты іс-шара жоғары деңгейде өтті. Іс-шара барысында Жаңа Конституцияның ел дамуы мен құқықтық мемлекетті нығайтудағы маңызы кеңінен талқыланды.

Кездесу барысында спикерлер өзекті баяндамалар жасап, адам құқықтары мен бостандықтарын қорғау, құқықтық мемлекетті дамыту және конституциялық реформалардың маңыздылығы туралы ой бөлісті.

Іс-шара соңында азаматтық қоғамның белсенді өкілдерін марапаттау рәсімі өтті. Бірқатар қатысушылар «Құрмет» орденімен және «Ерен еңбегі үшін» медалімен марапатталды. Сонымен қатар, Қазақстан Республикасы Президенті Қасым-Жомарт Кемелұлы Тоқаевтың Алғыс хаттары және облыс әкімінің марапаттары табысталды.

Марапатталғандардың қатарында:
Бақытжан Жармаханұлы Бейсембаев — «Бітімгер» медиаторлар қоғамдық бірлестігінің басшысы, Түркістан облыстық ҚХА жанындағы Медиация кеңесінің төрағасы, Түркістан облыстық Қоғамдық кеңесінің мүшесі. Қазақстан Республикасы Президентінің 2026 жылғы 7 сәуірдегі Жарлығымен «Ерен еңбегі үшін» медалімен марапатталды.

Сондай-ақ Түркістан облысының Азаматтық Альянсы командасының мүшелері — Әбдінәбиева Ақмарал Қалмаханқызы мен Нуритдинова Насиба Алиханқызы — Қазақстан Республикасы Президентінің Алғыс хаттарымен марапатталды.

Елімізге қызмет ету жолындағы еңбегіміздің жоғары бағалануы біз үшін үлкен мәртебе. Көрсетілген сенім мен қолдау үшін шынайы алғысымызды білдіреміз!