Қазақстан Азаматтық Альянсы «Халықаралық заңгерлер қауымдастығы» қоғамдық бірлестігімен ынтымақтастық туралы меморандумға қол қойды.

Меморандумға қол қою азаматтық қоғам институттары мен кәсіби заңгерлік қауымдастық арасындағы әріптестікті нығайтудағы маңызды қадам болды.

Тараптар азаматтық қоғамды дамытуға, халықтың құқықтық мәдениетін арттыруға, азаматтардың құқықтары мен заңды мүдделерін қорғауға, сондай-ақ тәжірибе мен сараптамалық білім алмасуға бағытталған бастамаларды бірлесіп жүзеге асыруға дайын екендіктерін білдірді.

Қазақстан Азаматтық Альянсы азаматтық қоғамды дамыту және қоғамдық маңызы бар бастамаларды іске асыру мақсатында серіктестік байланыстарын одан әрі нығайтуды жалғастыруда.