«Қарағанды қаласы тұрғындарының діни сауаттылығын арттыру жөніндегі ақпараттық-түсіндіру тобының жұмысын ұйымдастыру» жобасы аясында Қазақстан Республикасы Қаржылық мониторинг агенттігінің Қарағанды облысы бойынша Экономикалық тергеп-тексеру департаментінің қызметкерлерімен ақпараттық-түсіндіру кездесуі өтті.

Кездесу спикері ретінде Қарағанды облысы Қазақстан халқы Ассамблеясы Медиация кеңесінің төрағасы, Қарағанды облысы бойынша «Терроризмге қарсы комитет» РҚБ филиалының басшысы, Қарағанды облысы МРО басшылары клубының модераторы, Қазақстан Республикасы Мәдениет және ақпарат министрлігі Дін істері комитетінің дін мәселелері жөніндегі Республикалық ақпараттық-түсіндіру тобының мүшесі Дмитрий Сергеевич Полтаренко сөз сөйледі.

Кездесу барысында қатысушылар діни сауаттылықты арттыру, діни экстремизм мен радикализмнің алдын алу мәселелерін талқылап, конфессияаралық келісімді сақтау, рухани құндылықтарды нығайту және интернет кеңістігінде таралатын ақпаратқа сыни көзқарас қалыптастырудың маңыздылығын қарастырды.