Бүгін, 1 шілдеде, Қазақстан Республикасының жаңа Конституциясы ресми түрде күшіне енді.

Бұл тарихи маңызы зор оқиға еліміздің дамуындағы жаңа кезеңнің басталуын білдіреді. Жаңартылған Ата Заң мемлекетті одан әрі жаңғыртуға, демократиялық институттарды нығайтуға, заң үстемдігін қамтамасыз етуге және әрбір азаматтың құқықтары мен бостандықтарын қорғауға берік құқықтық негіз қалайды.

Жаңа Конституция Қазақстанның әділетті, ашық әрі тиімді мемлекет құруға деген ұмтылысын айқын көрсетеді. Мұндай мемлекетте адам, заң, жауапкершілік және қоғамдық келісім басты құндылықтар болып табылады.

Конституция – елдің басты құқықтық құжаты ғана емес. Ол – мемлекеттіліктің іргетасы, тұрақтылықтың, бірліктің және орнықты дамудың кепілі. Дәл осы Ата Заң мемлекет пен қоғам арасындағы өзара іс-қимыл қағидаттарын айқындайды, азаматтардың құқықтары мен міндеттерін бекітеді және болашақ ұрпақ үшін маңызды бағдар болып қызмет етеді.

Жаңа Конституция еліміздің бейбітшілігіне, келісіміне, өркендеуіне және жаңа жетістіктеріне берік негіз болсын!