Облыстық әлеуметтік идеялар мен жобалар байқауы өз мәресіне жетті!

Бүгін азаматтық бастамаларды қолдауға және жергілікті қауымдастықтарды дамытуға бағытталған байқау жеңімпаздарын салтанатты марапаттау рәсімі өтті. Ұсынылған жобалар қоғамдық кеңістіктерді құру, спортты дамыту, заманауи технологияларды енгізу және әлеуметтік осал санаттағы азаматтарды қолдау сияқты түрлі бағыттарды қамтыды.

Байқау жеңімпаздары:

1. Қостанай қаласындағы ерекше білім беру қажеттіліктері бар балалардың ата-аналарының бастамашыл тобы — «BalaHub» жобасы
2. Денисов ауданы Приреченка ауылының зейнеткерлер бастамашыл тобы — «Арманымдағы саябақ» жобасы
3. Ұзынкөл ауданы Федоровка ауылы тұрғындарының бастамашыл тобы — «Спорттық ауыл» жобасы
4. «Регион – 10» ерікті іздестіру-құтқару жасағы» жастар қоғамдық бірлестігі (Қостанай қаласы) — «Адам өмірін құтқаратын технологиялар» жобасы
5. «NEW GORIZONTS» қоғамдық қоры (Науырзым ауданы) — «Ізгі өзгерістер аллеясы» жобасы

Сонымен қатар, әлеуметтік жауапты серіктестердің қолдауымен бірқатар жобалар қаржыландырылды. Олар: «Надеждинка» ЖШС, Қостанай облысы білім және ғылым ұйымдары қызметкерлерінің жергілікті кәсіптік одағы ҚБ және «Тимур» шаруа қожалығы.

Қаржыландыру алған жобалар:

1. «Адимо»
2. «Ұзынкөл ауданының жастары»
3. «Жануя» үлгісіндегі отбасылық ауыл»

Байқауға қатысқан барлық азаматтарға белсенді азаматтық ұстанымы, бейжай қарамайтын көзқарасы және туған өлкесін көркейтуге қосқан үлесі үшін алғыс айтамыз. Барлық жобалардың сәтті жүзеге асуына және жаңа жетістіктерге жетуіне тілектеспіз!