31 мамыр – Саяси қуғын-сүргін және ашаршылық құрбандарын еске алу күні.

31 мамыр күні Ақтөбе облысында Саяси қуғын-сүргін және ашаршылық құрбандарын еске алу күніне арналған гүл шоқтарын қою рәсімі өтті.

Іс-шараға мемлекеттік органдардың өкілдері, қалалық қоғамдық кеңес мүшелері, үкіметтік емес ұйымдардың басшылары және қоғам белсенділері қатысты.

Жиналғандар саяси қуғын-сүргін мен ашаршылық құрбандарының рухына тағзым етіп, олардың жарқын естелігін бір минут үнсіздікпен еске алды. Сондай-ақ мемориалға гүл шоқтарын қойып, тарихтың қасіретті беттерінен сабақ алудың маңыздылығын атап өтті.

Бұл күн – өткенді ұмытпай, жазықсыз жапа шеккен жандардың рухына құрмет көрсетіп, қоғамдағы бірлік пен келісімді нығайтудың маңызды нышаны.