Экологиялық қауіпсіздік — ШҚО Қоғамдық кеңесінің назарында

ШҚО Қоғамдық кеңесінің Экология комитетінің отырысы өтті.

Отырыста медициналық қалдықтармен жұмыс істеу кезіндегі экологиялық және санитариялық қауіпсіздік мәселелеріне басты назар аударылды. Экология департаментінің, ШҚО денсаулық сақтау басқармасының және санитариялық-эпидемиологиялық қызмет өкілдері медициналық қалдықтарды жинау, сақтау, тасымалдау және кәдеге жарату тәртібін, сондай-ақ белгіленген талаптардың сақталуын талқылады.

Сонымен қатар, қатысушылар өңірдің климаттың өзгеруіне бейімделуі, сондай-ақ ауыл шаруашылығында пестицидтерді қолдану, сақтау және кәдеге жарату мәселелеріне назар аударды.

Қоғамдық кеңестер өңір үшін маңызды мәселелерді талқылауға және жергілікті деңгейде мемлекеттік саясатты жетілдіруге бағытталған ұсыныстар әзірлеуге белсенді қатысуды жалғастыруда.