Қазақ
Бүгін Бурабайда өткен Ұлттық құрылтай – 2025 еліміздің болашағы үшін маңызды мәселелерді талқылауға арналған тарихи жиын болды. Бұл құрылтай – ұлттық бірегейлігімізді нығайтып, қоғамдағы өзекті мәселелерді шешуге бағытталған ашық диалог алаңы.
ҚҰРЫЛТАЙДА ҚАНДАЙ МӘСЕЛЕЛЕР ҚАРАЛДЫ?
Білім мен ғылым: жастарды қолдау, инновациялық білім беру жүйесін дамыту, ұлттық және рухани-адамгершілік тәрбие мәселелері.
Әлеуметтік-экономикалық даму: жаңа жұмыс орындарын ашу, шағын және орта бизнесті дамыту, экономикалық реформалар.
Мәдениет және ұлттық құндылықтар: қазақ тілінің қолданыс аясын кеңейту, салт-дәстүрді жаңғырту, ұлттың рухани тұтастығын нығайту.
Қоғамдық келісім және бірлік: ұлтаралық татулықты сақтау, ашық азаматтық қоғам қалыптастыру.
ҚЫЗЫЛОРДА – КЕЛЕСІ ҚҰРЫЛТАЙ ОТЫРЫСЫ ӨТЕТІН ЖЕР
Президент Қасым-Жомарт Тоқаев келесі Ұлттық құрылтайды Қызылордада өткізуді ұсынды. Себебі осыдан 100 жыл бұрын Қызылорда Қазақ елінің алғашқы астанасы болған. Бұл – тарихымызға деген құрмет және өңірдің дамуына жаңа серпін беретін шешім.
АСТАНА ҚОҒАМДЫҚ КЕҢЕСІ НЕ ДЕЙДІ?
Біз бұл бастамаларды толық қолдаймыз және қоғамдағы өзекті мәселелерді талқылауға, халықтың пікірін ескеруге дайынбыз. Жаңа Қазақстан – әр азаматтың пікірі маңызды ел!
Ұлттық құрылтай шешімдерін іске асыру – баршамыздың ортақ міндетіміз!