Қазақ
Алматы қаласы Қоғамдық кеңесінің отырысы
Алматы қаласы Қоғамдық кеңесі жұмысының маңызды кезеңі аяқталды. Кеңес мүшелері мен сарапшылар бас қосып, жыл қорытындысын шығардық, KPI көрсеткіштерін талдадық және алдағы жоспарларды талқыладық. Мұндай кездесулер өте қажет — бұл пікір алмасуға және атқарылған жұмыстардың нәтижелерін жан-жақты талдауға мүмкіндік беретін алаң.
Мен үшін ең белсенді әріптестеріміз бен сарапшыларымызды атап өту ерекше қуаныш. Олардың белсенді қатысуы Кеңес жұмысының тиімділігін арттыруға ықпал етеді.
Өзім басқаратын №6 комиссияның жұмысының нәтижелерімен бөліскім келеді. 2026 жылдың бірінші жартыжылдығында әлеуметтік қорғау, денсаулық сақтау, білім беру және қоғамдық бақылау мәселелеріне басымдық бердік.
Атқарылған жұмыстар: дәрі-дәрмектердің қолжетімділігіне мониторинг жүргіздік, жастар арасында туберкулездің алдын алу бойынша дөңгелек үстелдер ұйымдастырдық, «Даму Бала» бағдарламасын жетілдіру және Job Coach жобасын дамыту бойынша ұсыныстар әзірледік, тұрғындардың өтініштерімен жүйелі түрде жұмыс жүргізіп, оларды мемлекеттік органдардың қарауына жолдадық.
«Инватакси» қызметінің жұмысы мен жергілікті өзін-өзі басқару мәселелерін қоса алғанда, бірқатар мониторинг жұмыстары талдаудың барынша объективті әрі сапалы жүргізілуін қамтамасыз ету мақсатында жазғы кезеңге ауыстырылды.