Қазақ
Бүгін Алматы қаласы Қоғамдық кеңесі мүшелерінің кезекті отырысы емес, ашық кездесуі өтті. Сайлау науқаны аясында жаңа Конституцияның Құрылтай сайлауына, партиялардың өкілдігіне және Қазақстандағы парламентаризмді дамытуға қатысты ережелерін талқыладық.
Тақырып өзекті болғандықтан, бірден келісіп алдық: партияларға үгіт жүргізу болмайды — тек нақты мәселелерді талқылаймыз. Құрылтайдың жұмысына қатысты біз әлі нені толық түсінбейміз? Жаңа форматтың Қоғамдық кеңес үшін маңызы қандай болады? Тиімді өзара іс-қимылды қалай құруға болады?
Біз нормативтік құқықтық актілермен және заңдармен тұрақты жұмыс істейміз, сараптамалық бағалау жүргіземіз, ұсыныстар енгіземіз және тұрғындардың мүддесін білдіреміз. Сондықтан жаңа саяси форматта бұл жұмыстың қалай жалғасатынын түсіну біз үшін маңызды.
Жеке өзім Құрылтайдың жаңа мүмкіндіктер ашатынына сенемін. Егер бюрократия азайып, азаматтық қоғамның дауысы шын мәнінде естілетін болса, бұл адамдардың игілігіне қызмет етеді деп ойлаймын.