Бүгін Ақмола облысы Қоғамдық кеңесінің мүшесі Игорь Плюснин, сондай-ақ Көкшетау қаласының Қоғамдық кеңесі мүшелері мен Көкшетау қалалық мәслихатының депутаттары қала үшін маңызды жоба — «Көкшетау қаласында жаңа жылу электр орталығын салу» жобасының таныстырылымына қатысты.

Көкшетау ұзақ уақыт бойы Қазақстандағы өзінің жылу электр орталығы жоқ жалғыз облыс орталығы болып келді. Қаланың барлық жылумен жабдықтау жүйесі тозығы жеткен РК-1 және РК-2 аудандық қазандықтарына тәуелді.

Жаңа жобаның іске асырылуы бұл жағдайды түбегейлі өзгертуге мүмкіндік береді. Жаңа ЖЭО құрылысы:

• Көкшетау қаласы мен Станционный кентінің 195 мыңнан астам тұрғынын тұрақты әрі кепілді жылумен қамтамасыз етеді;
• 600-ден астам көппәтерлі тұрғын үйді жыл бойы үздіксіз ыстық сумен қамтамасыз етеді;
• нысанда 2 000-ға дейін жаңа жұмыс орнын құруға мүмкіндік береді.

ЖЭО құрылысы — қаланың әлеуметтік жайлылығын арттыру және экономикалық дамуын қамтамасыз ету жолындағы көптен күткен маңызды қадам!