Ауылдық үкіметтік емес ұйымдардың өкілдеріне арналған алғашқы тәжірибеге негізделген оқыту семинары өтті

2025 жылғы 14 тамызда Қостанай облысында «Ауылдағы азаматтық бастамаларды дамыту» жобасы аясында ауылдық үкіметтік емес ұйымдардың өкілдеріне арналған алғашқы тәжірибеге негізделген оқыту семинары өтті.

Іс-шараға әлеуметтік кәсіпкерлік, коммуникациялар және стратегиялық жоспарлау саласындағы жетекші сарапшылар қатысып, тұрақты даму құралдарын, медиа кеңістікте тиімді жұмыс істеу әдістерін, әлеуметтік өнімдерді әзірлеу мен ілгерілету тәсілдерін, сондай-ақ ресурстар тарту мен мемлекеттік және бизнес құрылымдарымен әріптестік орнату тәжірибесін бөлісті.

Бұл оқыту Павлодар және Солтүстік Қазақстан облыстарын да қамтитын тренингтер сериясының бастамасы болып, ауылдық ҮЕҰ-лардың кәсіби деңгейін, ұйымдық әлеуетін және өз қауымдастықтарының дамуына қатысуын арттыруға бағытталған.