«Ізгі істер уақыты» халықаралық форумы

Астанада Қазақстанның Азаматтық Альянсы алаңында және Ресейдің Қазақстандағы Россотрудничество өкілдігінің бастамасымен ұйымдастырылған «Ізгі істер уақыты» халықаралық форумы өтті. Форумға қатысушылар — Қазақстан мен Ресейдің ҮЕҰ мен мемлекеттік органдарының өкілдері — мүгедектігі бар адамдарды жұмыспен қамтуда баламалы квоталау мәселесін талқылады. ⠀

Мемлекеттік органдар өкілдері заңнамадағы жаңа өзгерістермен бөліссе, ҮЕҰ өкілдері инклюзивті орта қалыптастыруға бағытталған озық тәжірибелерді ұсынды.

Талқылау барысында балалар мен ата-аналарға арналған инклюзивті қолдау орталықтарының ашылуы, шығармашылық кеңістіктер мен әлеуметтік бастамалардың іске асуы туралы нақты өмірден алынған өзгеріс оқиғалары айтылды.

Солардың бірі — «ОРДА Аутизм» қоғамдық ұйымының жобасы. Ұйым жетекшісі Салтанат Есмаганбетова форумда Астанада іске қосылған «Браво, пицца» әлеуметтік отбасылық кафесін таныстырды. Бұл жоба жасөспірімдердің кәсіби машықтануынан өтіп, қоғамға бейімделуіне жағдай жасауға бағытталған.

Форум тек пікір алмасу алаңы ғана емес, шынайы диалог пен тәжірибе алмасудың, жаңа серіктестіктердің бастауы болды.